­Salmaan Khan tu guli mara mari ghotna huwa picheyte bi kaam kuribole continue kuribo

Mumbai, April 15 : Bollywood Actor Salman Khan laga Galaxy Apartment laga bahar te guli mara mari huwa picheyte, Salman Khan para tailaga scheduled kaam khan continue kuribole chunisey. Ekta India Today report laga hisap te, Salman Khan aro tailaga parivar para publicly jawab nidibole chunisey. Kilemaney taikhan tu attack kora manu khan ke dorkar nathakiya laga attention nidibole plan kuri asey. News agency India Today para dawa kurisey ki Salman Khan logotey tailaga shoot rokhabole laga eku plan nai. Etu report te likhisey, Salman tu ageyte plan kora nisna tailaga kaam continue kuribole te bisi focused asey. Tai tu etu guli mara mari ghotna laga picheyte thaka manu khan ke attention dibole mon nai, kilemaney tai ke enaka lagey ki taikhan ke exactly etu lagi asey. Etu laga bodli, tai para bollywood industry laga sathi aro actor khan ke chinta nukuribole koisey. Agey barikina, tai para tai laga friend khan ke bi Galaxy apartment te najabole koisey. Kilemaney samaj laga dusra member khan nimitey bi etu inconvenient hoi asey. Recently, Salman Khan laga baba Salim Khan para News 18 logotey khata baat-chit kurisiley, kotey tai para reveal kurisey ki etu ghotna ke loikina eku chinta kuribole laga nai.  Ekta shocking event te, April 14 laga shaam te Salman Khan laga  ghor te shooting hoisiley.