Vikrant Massey para 12th Fail nimitey tai laga naam suggest kora karney Rajkumar Hirani ke dhanyabad janaisey

New Delhi, April 15 : Rajkumar Hirani laga film para audience ke hodai ekta monchidiya laga kahani present kurisey aro etu film khan te sobsey interesting star cast(actor) bi boast korey. Rajkumar Hirani para shandaar actor chuniya tu tailaga film khan te dikhibo parey aro film sa manu khan hodai khusi pai. Hoi, etu laga proof tu “12^th Fail” asey kuntu te Rajkumar Hirani para director Vidhu Vinod Chopra ke Vikrant Massey laga naam suggest kurisiley aro etu actor tu taikey bisi dhanyabad asey.  Etu laga kotha kurikina olop din ageyte, ekta interview te, Vikrant para koisey, “Ami para etu film tu Raju Sir nimitey paisey.”Bisi bhak tu tai nimitey asey, tai para amilaga naam recommend kurisey aro etu picheyte Vinod Sir para amike lok kurisey. Raju Sir tu amikey bisi kind thakisey ami etu film kuribole suru huwa homoi para; tai para amilaga bisibhak kaam dikhisey. Ami para tailaga kunba assistant khan logotey kaam kurisey kun khan nijor bi etya director asey.  Tai amikey film laga set te sai thakey aro utu homoitey jitya Vinod Sir aro Raju Sir para etu film banabole kotha kuri thaksiey tai para etu project nimitey amikey recommend kurisey.” Vikrant para agey barikina koisey ki tai kitya bi Rajkumar Hirani ke lok korey tai hodai dhanyabad diye.