Gurugram: Char-Tola Building Gerishe, Atha Manu Fasi Kena Ase

GURUGRAM: Police koishe jua fusur te char-tola building gera te atha manu khan fasi kena ase. Tai khan ke bachabole rescue operation chuli ase.

Building gera laga site te bulldozer para building bhanga khan toh safa kuri ase. Haryana fire service laga personnel khan manu khan toh kote fase kena ase etu pinpoint kuri bole kosis kuri ase.

Rescuers koishe Ullawas te building toh ke nimite gerishe etu laga kotha toh etiya tok bhi janibole para nai. Etu building toh popular Cyber Hub para 12 km dur te ase. Building toh 5am te gerishe. News agency PTI khobor kurishe etu fourth floor toh under construction thakishe. Rescuers koishe etu building gera te fasi kena thaka manu khan toh fourth floor te kaam kuri thaka khan bhi hubole paray koishe. Rescuers koishe building te osor sectors te kaam kuri thaka bista tenants aro security guards building te thake thakishe.

fire department officer Isham Singhs koishe Rescue teams khan toh bhari bulding laga tukura aro iron grills khan uthai thaka nimite bishi samay loi ase.

National Disaster Response Force (NDRF) laga teenta teams etu rescue operation join kurishe. Tai khan toh Ghaziabad aro Dwarka para ase.

Police koishe tai khan building laga malik ke bisari ase. Building owner toh Ullawas bosti laga manu ase.