JALAUN, UTTAR PRADESH: Jalaun laga senior official Dr BM Kharre news agency ANI ke koishe ek saal para bhi komti samay te Uttar Pradesh hospital te duibar pregnant maiki ke hospital para hatai dishe. Wednesday te pregnant thaka maiki ke rasta kenar te bacha pabole joborjos kurishe. Dr BM Kharre koishe ami ke khobor kurishe ke staff nurse para pregnant maiki ke jobojos bahar kurishe. Ami ke etu ghatna opor te investigate kuribole aro kun etu kaam kurishe etu manu opor te strict action lubole koishe.
Maiki laga family khobor kurishe ke jua din pregnant maiki ke primary health care te loi jaishe koishe. Hoile bhi tai ke wapas pothai dishe aro teen din pichete anibi koishe. Hoile bhi ketiya tai laga halat biya hubole suru hoishe family para pregnant maiki ke government hospital te loi jaishe. Hoile bhi tate bhi nurse para maiki ke admit kuribole mana kurishe. Aro etu nimite maiki toh rasta kenar te he bacha jonom dishe.
Khomg uthi kena thaka family members khan toh medical negligence opor te hospital khilaf te protests kurishe.
Shravasti te jua August te duita hospital para pregnant maiki ke wapas pothai dishe. Aro opai nathaki kena maiki khan toh rasta kina rte bacha jonom dishe.
Shravasti laga District Magistrate Deepak Meena para etu case opor te inquiry kuribole order kurishe.
Add Comment