NEW DELHI: Agi ISRO para duniya laga sob para halka satellite rocket laga pichete te lagai kena launch kurishe. Etu satellite toh Indian students khan para banaishe. Etu toh ami khan para poisa no loi kena he banaishe. Indian Space Research Organization (ISRO) para etu kaam nimite ek taka bhi nolubo koishe. Etu satellite Chennai laga private organization “Space Kidz India” te kaam kora students para design kurishe aro banaishe. Etu satellite toh khuri laga chair para bhi halka ase. Tai laga weight toh khali 1.26 kg ase.
Srimathy Kesan koishe etu satellite banabole Rs. 12 lakh kharcha hoishe. Group para etu technology ke para thik banabole choi saal lagile bhi group para etu ke choi din bhitor te he banai kena taiyar kuri dishe. Srimathy Kesan para Space Kidz India laga 20 genika manu laga group ke choilai kena loi jaishe. Srimathy laga umar toh 45 years ase.
ISRo koishe Kalamsat-V2 toh duniya laga sob para halka satellite ase. Agi etu launch toh aro dusra milestone mark kuribole parishe. Kalamsat-V2 toh Indian private entity para design aro bana laga pahela satellite ase. Aro ISRO para Space Kidz India para launch kurishe.
Kalamsat laga 64-gram laga poila laga version toh “gulab jamun” nickname dishe. Etu naam toh tai laga chutu size huwa nimite ase. Etu toh 2017 te National Aeronautics and Space Administration (NASA) para launch kurishe. Hoile bhi etu toh ketiya bhi orbit pungchibole para nai.
Add Comment