BHOPAL: Police koishe Tuesday saam te Madhya Pradesh laga Bhopal te ekta family laga charta manu muri kena paishe. Etu te maiki aro tai laga baro din laga notun jonom huwa bacha bhi muri kena paishe. Maiki laga mota toh bodies laga side te hoos nathaki kena paishe. Mota toh tai murija 40 years ama aro baro saal laga bhai osor te hoos na thaki kena paishe.
Police koishe etu manu khan toh etiya tok kenika murishe etu thik para janibole para nai. Etu ghatna te bacha laga khali ekta bachiya manu Sanju Bhuria ke hospital te loi jaishe. Doctor para etiya Sanju laga halat toh etuiya thik ase koishe. Sanju Bhuria toh Manideep te thaka ekta factory te kaam kure. Etu toh state laga capital Bhopal para 22 km dur te ase.
Police source koishe ghor te bhitor para bon thakishe aro family toh angeethi (brazier) use kuri thakishe. Tai khan toh saas lubole na para nimite mura suspect kuri ase. Hoile bhi police para poison aro murder para bhi murishe pare lag kotha toh hata nai. Police sources koishe tai khan laga muk te froth paishe aro maiki laga hath te jokom huwa laga dagi bhi ase koishe. Police koishe post mortem laga report para sob kotha safa hoi jabo.
Samnay manu khan koishe tai khan family ke Monday saam te dekhishe koishe. Samnay manu khan ketiya tai khan ke Tuesday laga pura din dekha nai, Samnay manu khan tai khan ke sabole jaishe. Etu hadsa huwa family toh darwaza te bishi bar marile bhi awas diya nai.
Samnay manu khan para police ke khobor kurishe aro police khan ahi kena darwaze bhangai kena dekhishe. Police khan mota chari kena family members sob muri kena paishe.
Add Comment