PUNE: Pune laga bara saal laga bacha para oceans safa kuribole aro pani te thaka janwar ke bachabole nao design kurishe. Haaziq Kazi para tai laga nao ke “Ervis” naam dishe. Haaziq para tai laga idea toh TedEX aro Ted8 platforms laga international audience ke present kurishe.
Mr Kazi koishe ami kunba documentaries khan saise aro kachara (waste) para pani te thaka janwar khan laga jeevan te kena dangor impact de etu janibole parishe. Ami feel kurishe ke ami etu nimite toh kibo toh kuribole lage. Ami khan maas kha toh tai khan ocean te plastic khai. Etu para janibole para ke etu pollution laga cycle toh wapas ghurai kena ami khan logote ghurai kena ahi. Etu nimite ami Ervis design banaishe.
Mr Kazi koishe tai machine design kura toh ocean para pani tane. Etu pichete pani laga jeevan aro kachara ke alak kure. Etu pichete pani laga jeevan ke wapas ocean te pothai de aro kachara ke aro panchta hiss ate banai de.
Mr kazi koishe nao te sensor laga para plastic kachara ke tai laga size hesab te alak alak kure. Aro dusra sensor para pani laga jeevan ke wapas ocean te pothai de.
Mr Kazi koishe etu nao laga design laga idea toh tai nou saal thaka samay te ahishe. Mr Kazi toh etiya conservation organisations aro forums khan logote meli kena kaam kuri ase. Etu toh ocean te plastic pollution laga biay effects aro etu toh ami khan kenika etu hubole para rukhabole paribo etu laga awareness dibo nimite kaam kuri ase.
Add Comment