National

Maharashtra Te Nouta Manu Khan Ke Arrestr Kurishe

January 24, 2019
33 Views

MUMBAI: Tuesday te Maharashtra laga Mumbra, Thane aro Aurangabad para Republic Day para olop din agote te he Maharashtra Anti Terror Squad para nouta manu khan ke arrest kurishe. Etu nouta manu te ekta 17 years laga teenager bhi ase. Khobor hesab te Maharashtra Anti-Terror Squad (ATS) koishe sob nouta manu toh ISIS attank group logote meli kena thaka laga inzam ase.

Maharashtra ATS khan Republic Day agote state te sleeper cells laga presence toh investigate kuri ase.

Reliable intelligence laga khobor duwara ATS laga detective para etu nouta manu khan laga information toh juma kurishe aro bishi hafta para etu nouta manu khan ke besari thakishe.

Etu group toh action kuribole he thakishe ketiya ATS dozen teams form kuri kena panchta alak alak jaga te raids kurishe. Etu raids toh jua rati Mumbra, Thane aro Aurangabad te kurishe.

Etu raids kora samay te ATS khan chemicals, explosives, mobile phones, hard drives, SIM cards, acid bottles aro dahr chaku khan paishe.

Investigators khan para etu nouta manu khan laga naam toh etiya tok bhi reveal kora nai. Hoile bhi tai khan laga umar aro tai khan kotay para ase etu khan toh janibole dishe.

Duita mota, 20 aro 25 years majote thaka ke Kaisar Colony, Aauranagabad para dhurishe. Ekta 35 year thaka manu ke Aurangabad laga Damadi Mahal para dhurishe aro dusra 25 year ke bhi Aurangabd laga Rahat colony para dhurishe. Fifth manu toh Amrutnagar, Mumbra para dhurishe. Aro dusra charta manu khan ke bhi Mumbra para dhurishe. Etu charta manu toh tai laga 20s te ase. Aro Thane para teenager ekta dhurishe.

Etu attank suspects khan ke criminal kaam kuribole plan kora aro kanoon biya kora laga kaam kuribole kosis kora nimite dhurishe.

Ek saal ahgote he November 2017 te Abu Zaid ke arrest kurishe. Abu Zaid ke Saudi Arabia para Mumbai te thik nama logote he arrest kurishe. ATS koishe Abu toh ISIS module laga hissa thakishe. Abu toh India te hamla kuribole ahisile. Hoile bhi ATS para tai ke etu ghatna kuribole poisa noutha agote he dhuri oloishe. Abu toh ISIS modiule laga hissa ase aro tai ke olop samay agote he Uttar Pradesh police laga ATS para khulasa kurishe.