SHIMLA: Oficials koishe borop aro baris gera nimite ek din pichete Wednesday te Himachal Pradesh laga rasta links khan bon hoishe. Aro state laga alak alak jaga te aha-ja kora manu khan toh fasi kena bishi dikdar paishe.
Borop para shimla town bahar tok bhi gari aha-ja kora te dikdar dishe. Aro Pathankot-Chamba highway bhi borop nimite traffic te bishi biya para dikdar paishe. Kinnaur district toh pura cut off hoishe. Hoile bhi etu sob te manu mura laga toh eku khobor nai.
Dui din lagatar borop gera nimite state bhitor laga bishi rasta toh traffic nimite bon thakishe, etu nimite travelers khan bhi fasishe aro aha-ja kora manbu khan bhi fasi jaishe.
Government official IANS ke koishe Kinnar districts laga rasta links khan aro Shimla district laga towns khan toh pura cut off thakishe. Etu Shimla districts laga naam khan toh Narkanda, Jubbal, Kharapathar, Rohru aro Chopal ase.
Manali te 30 cm borop gera record kurishe. Kalpa te 39.6 cm aro Manali te 30 cm. Dharamsala te 53 mm laga baris gerishe.
India Meteorological Department (IMD) official IANS ke koishe state te Thursday tok moderate borop geribole chances ase.
Government para manu khan ke Kullu, Shimla aro Kinnaur districts laga ucha hills te berabole najabi koishe. Government para avalanche threat de kena ase.
Add Comment