Guwahati | March 22: Journalists khan laga suraksha nimite sawal koriya hatsa ekta te, ekjun popular television journalist ke Guwahati laga Ganeshguri area te March 21 laga raati te jakku pora marise.
Etu hatsa toh Thursday raati 11 pm nisina te hoise. Etu journalist laga naam toh Chakrapani Parashar ase koikena jini paise aro tai ke Albar Eats Restaurant laga malik pora olop chamela ola bicchete jakku pora marise.
Dispur police pora malik Sayed Ali Ahmed milaikena jar jun manu ke thurise. Aalag teen jun manu khan toh – Ankei Zaman, Miraj Ali aro Nitin Sarma ase.
Etu mamla logote mili kena, United Television Media Association(UTMA) pora Dispur police logote FIR lekhikena demand korise ki etu bodnami manu khan logote khilaf ekdam biya sajai dibo karne aro etu case ke police pora bhal pora jaach koribo nimite.
Parashar kono toh biya pora jokhom paise koikena khobor korise, toh GNRC Hospital, Guwahati te medical treatment kori ase.
Add Comment