Agartala | March 23: Ruling BJP laga candidate Pratima Bhowmik pora West Tripura Lok Sabha seat nimite tai laga nomination dise. Chief Minister Biplab Kumar Deb aro Deputy Chief Minister Jishnu Debbarma toh Pratima logote pura town te campaign korikena beraise.
West Tripura laga sob thirty segments laga town khan pora hazar manu khan Rabindra Shata Varshiki Bhawan laga aagete jamma korise, tate pora rally korikena shuru korise aro nomination koribo nimite DM (West) laga office te jaise. Ratan Lal Nath, Sudip Roy Barman, Pranjit Singha Roy, Dilip Das, Sushanta Chowdhury, Asish Saha , Ram Prasad Paul, Krishnadhan Das milaikena senior BJP MLAs aro ministers khan aro Papiya Dutta milaikena sob BJP laga frontal organizations laga leaders khan bi etu rally te mojut thakise.
MLAs Dilip Sarkar aro Surajit Dutta tweijun toh etu rally te jabole pariya nai kile koile tweijun laga gau biya thakiya nimite.
East Tripura (ST) seat laga Rebati Mohan toh tai laga nomination toh March 26 nohoile etu laga aagete dibole ase aro tai ke bi aalag ministers aro MLAs khan pora support koribole ase.
State te elections toh tweita phases pora thakibo, etu toh April 11 aro April 18 te lobole ase. Votes kindi koriya toh March 23 te thakibole ase.
Add Comment