Guwahati, September 4 : India laga Northeast te gusa laga main rasta Guwahati te juwa olop saal para bisi development ahi asey.
Indian Army press release para koisey ki rajya te development, shnti aro kamyabi laga jashan manabole nimitey, etu seher tu ekta yaad rakhibole laga dangor sports event rakhibole asey kuntu para India laga sporting map te ekta lasting thaka asar charibole asey. Aro etu para Guwahati seher ke national aro International Marathon calendar te dhalibole asey.
Guwahati Marathon laga inauguration tu Indian Army, Assam laga sarkar aro Coal Limited of India para December 3, 2023 te milikina organise kuribole asey. Etu sports event te bisi khubi thaka desh laga aro dusra desh laga participants khan ke akarshit kuribole laga bhabna para organise kurisey.
Rajya te development aha laga asli josh tu dikhaikina, etu event te ‘Shining Assam’ laga sobsey bhal roop dikhabole akha kuri asey. Etu event laga sponsor tu Coal India Limited hobole asey aro Indian Army tu etu laga affirming partner hobole asey.
Etu event te sob category laga manu jaiseki running race te first time manu para loikina etu race te polabole bisi mon jai thaka aro race te pola laga experience thaka manu khan ke shamil kuribole aro akarshit kuribole nimitey 3ta race thakibole asey. 21.0975 kilometre laga half marathon, 10 kilometre laga half marathon aro five kilometer laga race rakhibole asey.
Etu event laga organiser para etu event ke aro bisi bhal banabole nimitey sob race nimitey umar aro mota/maiki laga category hisap te prize poisa dibo.
Olop din agey te Guwahati te, etu event laga ekta planning conference rakhisiley. Etu conference ke Assam cabinet minister Nandita Garlosa, General Officer Commanding (GOC) Gajraj Corps, Lieutenanat General Manish Erry aro bisi uccha rank laga officer khan para attend kurisey.
Etu event laga formal announcement tu ahibole thaka hapta khan te dibole asey. Aro announcement logotey marathon laga rasta, prize laga kimat aro race laga logo nisna detail khan bi release hobo.
Indian Army laga press release para koisey ki etu event laga organizer khan para janaisey ki etu event laga ekta website tayar kuri asey. Aro etu saal laga September 20 tak te online registration suru hoijabo parey.
Add Comment