Arunachal Pradesh : Sela tunnel September last tak tayar hobole

Itanagar, September 4 : Arunachal Pradesh te bnai thaka Sela tunnel laga construction tu pura hobole asey.

Arunachal Pradesh laga union minister aro Member of Parliament Kiren Rijiju para koisey ki etu tunner tu complete hobole asey.

Reports hispa te Arunachal Pradesh laga Sela tunnel tu September last tak te inauguration kuribole tayar hoijabo nisna asey.

Arunachal Pradesh te Sela tunnel laga construction tu Border Roads Organisation (BRO) para kuri asey.

Etu tu duniya laga sobsey lamba duita lane thaka tunnel hobole asey. Etu tunnel laga size tu 13,000 feet para bisi asey.

Arunachal Pradesh te Sela tunnel laga inauguration huwa pichey te, China border fale thaka Tawang sector laga area khan te sipahi aro hathyar khan patha tu aro joldi hobole modod kuribo.

Prime Minister Narendra Modi para Arunachal Pradesh te etu Sela tunnel laga foundation tu 2019 laga February moina te dhalisiley.

Arunachal Pradesh laga Sela tunnel tu Balipara para Charduara ro Charduar para Tawang tak Rs 700 crore khorcha kurikina banaisey.

Etu tunnel banaikina pura huwa picheyte PM Modi para inaugurate kuribole asey.

Etu tunnel tu duita tube thaka laga tunnel asey. Ekta tube tu 980 metres lamba asey aro dusra tube tu 1555 metres lamba asey.

Sela tunnel tu Sela pass ke paar kurikina jabo aro kuntu season te hoilebi aha juwa kuribole paribo.

Etu tunnel para aha juwa kora laga homoi bi 1 ghonta komti kuridibo.