Dibrugarh, September 4 : Monday din te Assam laga Dibrugarh district te ekta 17 saal laga chukri laga gangrape aro khoon kora laga iljam te 4jun manu ke arrest kurisey.
Etu ghotna tu Banipur jaga laga Dhekeri Gaon te hoisey. Jurum kora manu khan laga naam tu Biswajit Bakti, Kishore Bauri, Rohit Rabi Das aro Lohit Deka asey.
Police para koisey ki Monday phujur te ekjun chukri tu tailaga ghor laga ceiling te hang kurikina thaka paisey. Suru te investigation kora para janibole paisey ki etu chukri laga gangrape aro khoon hoisey.
Police para etu jurum laga connection te etu ekey busti laga 4jun mota ke dhurikina loijaisey. Etu mota khan ke etya huda hudi kuri asey aro joldi arrest hobole nisna asey.
Etu ghotna para utu area te gusa uthaidisey. Local manu khan para mujrim khan ke sajai dibole demand kurisey.
Police para biswas dilaisey ki taikhan para etu mujrim laga khilaf te kara action lobo.
Add Comment