GWALIOR, MADHYA PRADESH:
Sources koishe ke ekta asorit video te etiya tok unidentified thaka Madhya Pradesh police officer para lagatar lathi para maiki ke parishe. Khobor hesab te etu ghatna toh Gwalior Railway police station te hoishe.
Sources koishe ke video toh teenta bacha dhuri kena thaka maiki khan toh floor te squats kuri kena suru kurishe. Police officer para tai khan ke uthibole koithaishe aro maiki khan toh kandi thakishe aro request kuri thakishe.
Etu pichete officer toh lathi para ekta maiki ke lagatar marishe. Etu pichete maiki laga chuli toh dhuri kena tai ke joborjos khara kuribole koishe. Aro etu pichete bhi tai ke marishe.
Video te dusra teenta police officer bhi thakishe. Maiki khan ke dhamki aro hinsa kura samay te ekta police toh hassi thakishe.
Gwalior police para etu video toh dui saal purana ase koishe aro tai khan toh social media te nadekha tok toh etu video thaka toh najani kena thakishe. Tai khan koishe ke video te thaka police toh poll duty nimite bahar jai kena ase aro tai wapas aha pichete etu ghatna opor te puchtach kuribole koishe.
Add Comment