NEW DELHI: Election Commission tai khan laga statement te koishe May 19 Tamil Nadu laga panchta parliamentary constituencies laga 13 booths te dubara poll kuribole adesh dishe.
Wednesday te Tamil Nadu laga Chief Electoral Offcier (CEO) ke letter te lekhi kena koishe ke commission para declare kurishe ke April 18 laga polls toh void ase. Etu void toh Dharmapuri te aatha (8) stations ase, Tiruvallur te ekta, Cuddalore te ekta, Erode te ekta, Theni te duita stations khan toh void kurishe.
Etu 13 polling stations toh Assembly segments Poonamallee, Pappireddipatti, Panruti, Kangeyam, Andipatti aro Periyakulam laga hissa ase. Aro May 19 te etu jaga khan te by-elections hubole ase.
Etu laga fasla toh state laga 13 districts te 46 booths te golti paa nimite pichete dishe.
EC para CEO ke re-polling laga kotha toh political parties aro candidates aro etu jaga te thaka manu khan ke khobor dibole koishe.
Add Comment