Agencies: Meteorological Department hesab te India laga northern hissa toh ekdam gorom hawa nichete ahi ase. Jammu te record kura hesab te temperature toh 40 degree Celsius tok pungchishe.
Jammu aro Kashmir laga capital Kashmir toh thanda mousom nimite jane. Hoile bhi Jammu sob para poila bar etu gorom mousom te 40 degrees celsius choishe.
Hoile bhi ahibole laga olop din bhitor te Jammu aro Kashmir laga dur toofan, bijili, aro hawa maribole khobor pai ase.
Andhra Pradesh government laga Real Time Governance Society (RTGS) koishe ke ahibole laga teen din te Andhra Pradesh te thaak manu khan toh ekdam gorom din khan lok pabole ase. Andhra Pradesh te jua hafta temperature toh 41 para 45 majote ase.
RTGS official Anantha Krishnan koishe Andhra Pradesh te gorom hawa toh lagatar jai ase. Aro etu laga sob para bishi affect toh state laga central hissa ase. Etu te Guntur, Krishna, Prakasam aro Nellore districts ase. Ahibole laga dui, teen din te Krishna, Guntur, Nellore aro Prakasam te gorom toh bishi hubole ase.
Mr Krishnan koishe temperature toh 47 degrees tok uthibole ase. Ami khan toh manu khan ke hosiyar thakibole koi ase. Government para etu samasiya toh eman biya hubole nadibole pura kosis kuri ase. Government para district collectors khan ke etu samasiya opor te lagiya kardam khan uthabole koishe.
Add Comment