November 5, 2023: Late Saturday din deh Israel para Central Gaza deh taka regugee camp keh bomb kura tho 30 manu upor khe murai di shae, Hamas-run health ministry para kui shae.
“Central Gaza laka Al-Maghazi camp deh bomb hua piche deh 30 lokot deh b upor manu Deir Al—Balah deh taka Al-Aqsa Martyrs Hospital deh ahi shae,” health minister spokesperson Ashraf Al-Qudra para ekta statement deh kui shae.
Hamas para Israeli tho citizen kan laka ghor deh directly bomb kuri shae kui shae aro tate bishi wak manu mura tho maike aro bacha kana se kui shae.
“Ekta Israeli air strike para amil aka neighbor keh target kuri shae,” Mohammed Alaloul, 37, paa kui shae. Alaloul para AFP keh taila 13 sal laka bacha, Ahmed aro taila char sal alak bacha Qais muri jai shae kui shae hamla deh. Taila maike aro alak tuita bacha kan tho jokom hui shae kui shae.
Israeli military spokesperson para taikan jaka deh Israel Defense Forces operate kuri ase nah nai sai ase kui shae bombing time deh.
Hamas laka October 7 hamla karne Israel kan Hamas keh destroy kuri bo kui nah kasam lui shae. Hamas laka hamla para 1,400 manu murai di shae aro tate bishi wak tho civilians kana se. Etu he nahoi nah 240 Israeli aro foreign hostages b lui luishae.
Gaza deh taka health ministry para Israeli Strikes karne 9,480 Gazans kan muri jai shae kui shae aro tateh bishi wak tho maike aro bacha kan ase kui shae.
Troops kan Gaza City surround kura kotom hua piche deh, Israel chief of staff Lieutenant General herzi Halevi para troops kan keh visit kuri shae. Defense Minister Yoav Gallant para Israeli forces kan Gaza deh mun di kina kili ase kui shae. Tai para taikan Gaza laka south aro north jaka para operate kuri ase kui shae aro populated jaka kan deh gusi jai shae kui shae.
Add Comment