November 5, 2023: Heritage minister Amichai Eliyahu para Gaza Strip deh atomic bomb gira bo kwa tho ekta option ase kui shae. Hoile b Israeli Prime Minister Benjamin Netanyahu para Saturday din deh etu statement tho condemn kuri shae.
“Minister Amihai Eliyahu laka statement tho husa nahoi. Israel aro IDF kan innocents kan keh jokom nakuri di bo karne international law laka isap deh operate kuri ase. Mukan naji ta tak etu kuri taki bo,” Israel laka Prime Minister para X deh kui shae.
Radio Kol Berama laka ekta interview deh atomic bomb gira bo kwa tho option ase nah nai hudi shae Eliyahu keh, aro tai para etu tho ekta possibilities ase kui shae.
Itamar Ben Gvir laka far right party laka Eliyahu tho security cabinet laka pitor deh nahoi. Etu war deh tai laka hath deh eku decision makin power kan nai, The Times of Israel para report di shae,
Add Comment