Jerusalem, November 10, 2023: Palestinian group Islamic Jihad laka armed wing para ekta video releasee kuri shae Thursday din deh. Etu video deh ekta buri maike aro ekta jawan mota ekta dikai shae. Etu hostages kan tho 240 hotages deh tuita ase kuto gunmen kan para October 7 deh kidnap kuri shae.
Taikan para etu tuita hostage tho humanitarian aro medical reasons karne release kuri bo ready ase kui shae kun bah conditions kan mila piche deh. Taikan para aro kobor kan dia nai. Israel kan para b etu deh eku comment kura nai.
Video deh buri maike tho tai taila bacha kan keh miss kureh kui taki shae. “Mui aha hapta deh tui keh mili bole hope kuri ase. Mukan kushi deh ase aro healthy ase. Mukan sob manu keh kushi rakhi bo mun ase,” tai para wheelchair deh bui nah kui shae.
Etu video tho hostages lak third film ase itia tak kuto Gaza militants kan para released kuri shae. Taikan itia task tho chartha dura manu keh release kuri di shae.
Add Comment