November 10, 2023: Israel kan northern Gaza laka offensive tho ekbar karne rukah boleh acha kuri di shae. Etu kura tho kun bah civilians kan bahar bola boleh time dibo. Hoile b Prime Minister Benjamin Netanyahu para ceasefire nakuri bo kui shae.
US President Joe Biden para etu pause tho welcome kuri shae hoile b tai para b ceasefire tho nahu bo kui shae. October 7 laka hamla piche deh Netanyahu para Israeli troops kan tho bishi bhal para perform kuri ase kui shae offensive deh. Hamas keh destroy kuribo kui nah kamsa kura piche deh Israel kan aerial bombing aro ground offensive laka operation shuru kuri di shae. Etu operation karne Hamas rune health ministry para 10,800 manu muri shae kui shae.
Netanyahu par Israel tho Gaza keh govern kuri bole bisara nahoi kui shae. “Mukan occupy kuri bole bisara nahoi, hoile b mukan taikan aro am ikan keh aro bhal future dibo mun jai,” tai para Fox news keh kui shae.
Israeli army kan para taikan ekta shipping container strike kuri shae kui shae kute rocket launchers kan taki shae. Alak side deh Hamas laka military wing para taikan Re’im military base deh rockets kan fire kuri shae kui shae.
UNRWA kuto Palestinian refugee karne responsible ase, taikan para 70,000 manu kan south jai shae shae kui shae aro bishi wak manu kan birai nah jai shae kui shae.
October 7 laka hamla piche deh 1.6 million manu kan nishi nah tho internally displaced hui jai shae aro etu tho jaka laka atha population ase. Hoile b UN laka isap deh hazar nishi nah manu kan jakara kila jaka deh itia b basi nah ase
Add Comment