China, 24 October : Canoeist Prachi Yadav aro quartermiler Deepthi Jeevanji taijub bhi gold ekta ekta jitishey second din dey competitions laga kitia India laga medal rush agey jaishey Hangzhou Asian Para Games dey Tuesday. Prachi, kun canoe VL2 category dey silver paishey Monday dey, itu khel laga second medal jitishey kitia tai KL2 event dey gold medal ekta uthaishey. Deepthi aro ekta gold jitishey mahila laga T20 category 400m race dey 56.69 seconds laga record timing logot Games aro Asian dey. Ajay Kumar (mota laga T64 400m) aro Simran Sharma (mahila laga T12 100m) taijun bhi silver jitishey kitia Manish Kaurav (mota laga KL3 canoe) — kun Prachi laga mota asey –, Gajendra Singh (mota laga VL2 canoe) aro Ekta Bhayan (mahila laga F32/51 club throw) taijung bhi bronze paishey.
Seven medals logot, tuita gold milainaitia tak second din dey, India laga tally toh 24 (8 gold, 8 silver, 8 bronze) tak uthina asey.
India para 17 medals uthaishey, six gold milanaina, competitions laga first din dey star shooter Avani Lekhara para raasta agey lead kurina.
Avani laga alawa (mahila laga R2 10m air rifle standing SH1), monday dey alag tuita gold jitia khan toh Pranav Soorma (mota laga F51 club throw), Shailesh Kumar (mota laga T63 high jump), Nishad Kumar (mota laga T47 high jump), Ankur Dhama (mota laga T11 5000m) aro Praveen Kumar (mota laga T64 high jump) thakishey.
Add Comment