India, 25 October : India laga marquee all-rounder Hardik Pandya toh kunwa khel karoney sideline dey buhiwo parey, jaa haafta tai laga theng jokhum huina. Hardik, kun New Zealand clash miss kuri dishey eki jokhum karoney, tai toh India laga ahia tuita World Cup khel khan karney nakhiliwo parey kitia tai aro jokhum bhaal huanai, report hisab dey. Pandya toh tai laga follow-through dey slip huishey Bangladesh laga khilaf khili thakia homoi Pune dey October 19 dey aro New Zealand laga khilaf khilia toh miss kurishey Dharamsala dey October 22. Itu Bardoa khiladi para National Cricket Academy ke monday dey report kurishey Bengaluru dey tai laga jokhum sawoley karoney.
Board of Control for Cricket in India (BCCI) para agey dey kuishey ki Hardik toh Lucknow dey jawo India laga ahia match karoney England laga khilaf huilewi itia toh itu kuribi naparibo.
“Hardik itia tak dawai lui asey. Juti tai laga left theng dey swelling toh olob komti huishey, tai toh haafta khotom huwoley homoi dey hi bowling kuria shuru hubo. Itia karoney toh, tai ke recover kuriboley time diwoley important asey,” ejta NCA source para PTI ke kuishey.
“Pandya toh ekta biya sprain huina asey huilewi fortunately ekta fracture nahoi. BCCI medical team para maximum precaution luwo muun asey. Tai ahia tuita nahuiley dinda khel toh miss kuribo parey. Knock-out stage karney team para tai ke pura puri fit lagey,” ekta BCCI source para kuishey.
India toh next defending champions England khilaf khilio October 29 Lucknow dey aro Mumbai dey Sri Lanka khilaf khilibo November 2 dey. Pandya laga absence para Suryakumar Yadav aro Mohammed Shami karoney playing XI dey jagah pachai dishey New Zealand laga khikaf. England laga khilaf Surya aro Shami toh team dey taikhan laga jagah pawo parey.
Add Comment