Europe, 25 October : Jude Bellingham para tai laga third goal scorw kurishey paria tak bishi Champions League appearances dey Real Madrid karney kitia Spanish side toh 2-1 jitishey Braga dey Portugal, Tuesday dey. Rodrygo para Real ke agey halishey aro England star Bellingham para 2-0 kuri dishey khali hour mark piche dey, Carlo Ancelotti laga side logot hold on kurina Alvaro Djalo para Braga karney ekta wapis lua piche dey. “Overall, mui phabna dey muikhan bhaal khel ekta panaishey,” kuishey Ancelotti. “Taikhan score kurishey kuina mui khushi painai kiley kuileu agey dey muikhan bhaal para control dey thakishey aro jeet toh haat dey thakishey.”
Itu result para Madrid ke ekta strong position dey charey maximum nine points logot three khel para Group C dey, three Napoli laga agey det kun para Union Berlin ke 1-0 haraishey Germany dey.
UEFA ke khel piche dey khota kuina, compatriot Vinicius para striker laga kuishey “ekta goal paa toh tai laga confidence karney bhaal thakishey- Clasico laga thik agey dey”.
“Aandh dey phabna logot muikhan zyada dukh pawo huilewi itu normal asey ghor para para dey dukh pawokey, especially Champions League dey,” Vinicius Jr kuishey Movistar Plus ke.
“Important cheez toh muikhan jitishey. Muikhan bhaal para khilishey, juti hosa asey ki muikhan aro bishi goals score kuribo pari thakishey.
“Kuwo muun jaa toh muikhan itia tak sob 3 khel bhi jitishey.”
