India, 25 October : Juli thakia World Cup dey bhaal run laga form ekta enjoy kurina, star India batter Virat Kohli para kuishey ki tai laga motto toh hotai bhaal wala huwoley thakishey aro excellence nahuina. Kohli toh itia India laga highest run-scorer asey tournament dey, 5 outings dey 354 runs panaishey 118.00 laga average dey, century ekta aro three half-centuries milaina. “Mui hotai nijor ke kinika bhaal wala kuribo itu dey kaam kurishey hotai din, sob practice session, hotai saal aro hotai season. Toh, itu asey muike eman lamba khiliwoley aro perform kuriboley motut kuria toh,” Kohli kuishey Star Sports ke.
“Itu mindset nathakina hotai perform kuriboley toh possible nahoi mui laga phabna dey, kiley kuiley juti performance toh tui laga goal asey kuiley, toh olob piche dey tui satisfied hui jawo aro khel dey kaam nakuria hui jawo. Mui laga motto toh hotai bhaal wala huina jawoley asey aro excellence nahuina kiley kuiley mui hosa bhi najaney excellence laga definition ki asey. Tatey eku limit nai, aro standard ekta set kurina nai ki kitia tui yatey pahunchiwo tui excellence luwo lagibo.
“Itu karoney, mui hotai bhaal wala huwoley dey kaam kurey, toh julawoley itu hi bhaal wala khota huwo. Aro hoi, performance toh ekta byproduct hui jai, kiley kuiley tui laga mindset toh team ke yatey para kinika jitiwo itu hui jai” Kohli toh top run-scorers laga list dey second asey itu saal laga competition dey, South Africa laga Quinton de Kock ke 53 runs para haraina.
Tai laga hundred toh Bangladesh khilaf dey ahishey aro tai itia Sachin Tendulkar laga record phangawoley tuita komti asey ODI cricket dey bishi tons thakia laga.
Add Comment