NAGPUR: Sunday te prison officer koishe Mohammad Hanif Syed toh hospital te muri jaishe. Hanif Syed toh 2003 Mumbai te twin blasts huwa te meli kena thakishe. Etu case nimitre murai diya laga saza diya te Hanif toh teenta doshi (convicts) majote ekta ase. Hani faro dusra khan toh etiya Nagpur Central Jail te thakishe.
Sunday rati te c para news agency PTI ke koishe Syed laga health toh achanak para Saturday saam para biya huwa suru hoishe. Health biya huwa nimite Hanif ke Government Medical College and Hospital (GMCH) te loi jaishe. Aro Hanif hospital te admit huwa laga ek ghonta aadha bhitor te he muri jaishe.
Jail Superintendent Rani Bhosle koishe Hanif toh asol t eke nimiyte murishe etu laga kotha toh post-mortem pichete he janibole paribo koishe. Post-mortem toh Monday te kuribo koishe. Etu toh Hanif laga khandan manu khan thaka samay te kuribo koishe. Hanif laga khandan toh Sunday te city te ahishe. Hanif laga lash (body) toh post mortem pichete tai laga khandan khan ke de dibo koishe.
Bhosle koishe Hanif laga preliminary khobor aro symptoms hesab te tai toh cardiac arrest huwa nimite murishe pare koishe.
Saal 2012 te Syed ke Yerwada jail para Nagpur Central Jail te shift kuri dishe. Etu toh Bombay High Court para tai ke murai dibole laga saza diya pichet hoishe.
Add Comment