SAGAR: Madhya Pradesh laga government hospital te ventilator nathaka nimite jui para jokom huwa bacha toh murishe. Murija bacha laga umar toh ek saal aadha thakishe. Doctor para parents ke nijor laga ventilator banabole koishe. Cellphone video dekhaishe ke doctor para family ke koishe ke Burns ward te ventilator nathake koishe.
Government spokesperson koishe etu video toh viral huwa pichete Dr Jyoti Raut toh thik kaam nokura nimite suspend kuri dishe.
Friday fusur te Devendra Ahirwar, Anshika laga baba reporters khan ke koishe ke bacha toh gorom pani pot te geri jaishe koishe. Bacha ke parents para Bundelkhand Medical College te loi jaishe. Doctor koishe bacha toh 70 percent jula laga jokom lok paishe koishe.
Bahca laga baba koishe bacha laga condition toh din para biya hoi jaishe. Baba para koishe etu samay te ward te ekta doctor bhi thaka nai koishe.
Mr Ahirwar koishe Dr Raut toh olop samay pichete ward te ahishe aro tai ke koishe ke bacha toh ventilator te rajhole lagibo. Hoile bhi burns bepartment te ekta bhi ventilator thaka nai.
Ketiya family para ventilator kenika kuri kena bhi arrange kuribole kuwa te doctor para parents ke tai khan nijor karne ekta keni lubi koishe. Aro koishe ke ventilator laga kimat toh Rs. 1 crore ase koishe.
Chukuri toh saam te muri jaishe.
Doctor para kuwa kotha toh kunba manu khan para loi kena social media te circulate kuri dishe.
Dr GS Patel, college dean koishe ke ventilator toh ICU te thakishe. Patient toh tate pothabole paribo thakishe.
Dr GS Patel koishe moi toh town para bahar te thakishe. Patient laga family aro doctor majote ke hoishe etu opor te moi eku najane. Ami khan etu opor te inquiry kura suru kuri ase.
Add Comment