Agencies: Police aro media koishe teen moina agote harai kena thaka chukuri Thursday te paishe. Etu chukuri toh tai laga ghor te tai laga parents ke ghor te murai diya samay para harai kena thakishe. Etu chukuri laga umar toh 13years thakishe. Wisconsin jaga laga chukuri laga condition toh ekdam latera aro malnourished thakishe. Tai toh tai laga captor para remote community te polaishe.
Authorities koishe police para ekta manu ke identify kuri kena custody te loishe. Etu manu toh James Closs, 56, aro tai laga maiki Denise, 46, laga murder case te dhurishe. James Closs aro tai laga maiki Denise laga bodies toh Oct. 15 te paishe aro tai khan laga chukuri Jayme toh harai kena thakishe.
Bacha hara laga khobor toh national news hoishe. Etu nimite chukuri ke bisaribole massive search hoishe. Chukuri ke bisari bole 1,500 volunteers khan Minneapolis laga woods aro khati khan bisarishe. Aro kun etu chukuri ke bisari kena ghor te safe para anibole paribo tai ke $25,000 dibo koishe.
Minneapolis Star Tribune koishe Jayme toh Gordon town laga resident para paishe. Etu toh Closs laga ghor para ek ghonta laga drive ase. bacha toh ekdam skinny aro latera hoi kena paishe.
Add Comment