YANGON: Friday te Myanmar judge para duita Reuters journalists laga appeal dismiss kurishe. Reuters laga duita journalists khan toh saat saal nimite jail hoishe. Etu arrest toh Rohingya atrocities khan against te investigate kura nimite hoishe. Tai khan toh joldi jail para charibole hope thaka toh kom thaka koishe.
Reporters Wa Lone, 32, aro Kyaw Soe Oo, 28 toh December 2017 te Yangon te arrest hoishe. Olop samay pichete tai khan state laga secrets act violate kora nimite jail hoishe. Reuters koishe etu charges toh tai khan laga khobor muzzle kuri dibo nimite ase.
Prosecutors koishe etu duita journalists logote Rakhine state laga security operations laga classified informations ase koishe. Etu Rakhine state para bishi hazar Rohingya Muslims khan army crackdown nimite state chari kena polaishe. Etu crack-down ke UN para ethnic cleasing koishe.
Friday te Yangon Regional High Court laga judge Aung Naing koishe law hesab te original verdict toh golti nohoi hoile bhi etu toh reasonable decision ase koishe.
Judge Aung Naing koishe court appeal toh dismiss kuribole decide kurishe.
Lawyers khan etiya Myanmar te Supreme Court ke appeal kuribole pare koishe. Etu appeal kuribole laga process toh choi moina tok lagibole pare koishe.
Etu khobor huni kena reporters khan laga maiki khan toh kandishe.
Etu duita journalists khan toh decisions diya samay te court te present thaka nai. Journalists khan koishe etu toh tai khan opor te police khan laga set-up ase.
Journalists khan ke arrest kora samay te tai khan dosta Rohingya khan laga massacre probe kuri thakishe.
Add Comment