DUBAI: Iranian President Hassan Rouhani pora Saturday te Pakistan ke border jakka te suicide hamla koriya adangwati khan logote khilaf action lobole koise aro koise ki Islamabad pora ekko kadam nalowa pora etu tweita desh laga majote rishta biya kori dibo.
Iran laga state news agency IRNA pora koise Rouhani pora etu kotha toh Pakistani Prime Minister Imran Khan logote telephone pora kotha koriya samoy te koise. Khan proa koise ki Iran nimite tai pora khusi khobor anibo, agency laga hisabte.
Ekjun suicide bomber pora Iran laga 27 Revolutionary Guards ke February te southeastern region te moraise. Etu jakka te Sunni Muslim minority laga adangwati khan pora sepahi khan ke hamla koriye.
Sunni group Jaish al Adl (Army of Justice), kon koi ki tai khan minority Baluchis khan nimite haaq aro bhal jeevan karne larai kori ase pora etu hamla laga zimmedari loise.
Iran pora tai khan laga regional dushman Saudi Arabia aro sobse dangor dushman Israel aro United States ke hamla aro border bar korikena mariya laga bodnam korise, etu desh khan pora maaniya nai.
Add Comment