Financial Action Task Force pora blacklist koriya janikena Pakistan pora India toh etu body laga co-chair pora hartai dibi koise.
Etu Paris-based global body toh adangwati ke poisa pora modot diya ke khotom koribo nimite kam kori ase aro Pakistan ke hothise ki ban koriya adangwati ke bhal pora sabo karne koise. Pulwama adangki hamla bicchete Pakistan toh Jaish-e-Mohammed (JeM) nisina adangwati group khan ke sabo nimite bhari international pressure pai ase.
Jowa saal June te, Financial Action Task Force (FATF) pora Pakistan ke desh khan laga grey list te halise kile koile poisa jori koriya aro adangwati ke poisa laga modot diya ke rukhaibo nimite kanun dagot nathakiya pora.
Pakistan Finance Minister Asad Umar pora FATF President Marshall Billingslea ke lekhise ki India logote podli korikena aalag member ke Asia-Pacific’s Joint Group laga co-chair karne halibole koise, kile koile FATF pora jaach koriya toh bhal pora sabo nimite, Ministry of Finance pora Saturday te koise.
Etu Joint Group toh Asia Pacific Group (APG) laga International Cooperation Review Group (ICRG) laga sub-body pora ase. Pakistan toh APG laga member ase aro FATF te tai khan laga case toh APG pora diye ase. India’s Financial Intelligence Unit’s (FIU) director general toh etu Joint Group laga co-chair ase, Express Tribune pora khobor korise.
India pora olop aagete Pakistan ke Pulawama adangki hamla te JeM shamil thakiya khobor kakos dise.
March 9 te, External Affairs Ministry spokesperson Raveesh Kumar pora koise ki India toh international community pora Pakistan ke kotha ekla nahoi haat pora adangwati khan logote khilaf action loidibo karne pressure dibole narukhikena kotha kor thakibo.
Etu finance minister pora koise ki Pakistan pora FATF process ke boycott nakoribo hoilebi pura kadam loikena India pora duniya ke politics khelibole nadibo.
Add Comment