LJUBLJANA, SLOVENIA: Monday din te police koishe ke Slovenian maiki aro tai laga khandan khan ke jail dishe. Khobor hesab te etu maiki toh insurance laga compensation toh pabole nimite tai laga haath toh ghurai thaka ara (circular saw) para kati dishe. Maiki toh insurance para 400,000 euros ($450,000) genika pabole thakishe.
Etu maiki aro tai laga ghor manu toh fraud kuribole kosis kura nimite aath saal laga jail hoishe. Etu maiki laga umar toh 21 year thakishe aro tai laga ghor manu laga umar toh 29 years thakishe.
Police spokesman Valter Zrinski para news conference te koishe tai ke ekta manu para saath de kena etu maiki toh jani kena tai nijor laga haath toh kaati dishe. Aro etu toh hadsa hesab te dekhabole kosis kurishe.
Police khan para suru te char jon ke bhi arrest kurishe. Hoile bhi olop pichete duijon ke toh chari dishe.
Police koishe maiki toh compensation hesab te 380,000 euros genika paboole akha kuri thakishe.
Add Comment