Heat wave chuli thaka majotey, Meghalaya government para school ke outdoor activity bon kuribole koisey

Shillong, April 26 : Pura rajya te jordar heat wave (bardash kuribole napariya laga gorom) ahikina thaka majotey, Meghalaya government para Friday(April 26) te, ekta notification issue kurisey. Kuntu te sob school khan ke student aro staff laga sehed laga raksa kuribole nimitey strict precautions aro guidelines ke manikina chulibole instruct kurikina ekta notification issue kurisey. Etu directive para Meghalaya laga school khan ke etya heat wave chuli thaka homoitey outdoor activity (bahar te kora activity khan) organize kuribole para rokhaisey.  Agey barikina, school khan ke taikhan laga campus hydration facility thik thak available rakhibole instruct kurisey. Aro khabole pani aro shade thaka area khan bi. Aro judi biya para dehydration(gao te pani sukha) hoisey koiley, sobsey osor te thaka hospital te logalog loijabole advise kurisey. Friday(April 26) te 12:00 PM te Shillong laga temperature tu 28 degree C thakisey, Nongpoh te 33 degree C aro Tura te 35 degree C. Etu condition ke saikina, Meghalaya sarkar para student khan ke bani bisi khaikina aro nijor laga pani bottle anikina hydrated thakibole advise disey. Etu opor te, school khan ke judi student khan dehydrate (gao te pani sukia) hoisey koiley ORS/limbu pani dibole direct kurisey. 12:00 PM aro 3:00 PM laga majotey, school khan ke student khan ke direct dhoop te komti expose hobole dibole request kurisey. Etu opor te, etu order para student khan ke school campus bhitor aro osor te juta nalagaikina khali theng berabole mana kurisey.