Silchar, April 26 : All India United Democratic Front (AIUDF) laga ekjun polling agent(voting chuli thaka homoitey duty te thaka manu) tu Assam laga Hailakandi district laga ekta polling booth (vote dhala jaga) te murijaisey. Etu ghotna tuFriday (April 26) te Assam laga Lok Sabha election nimitey voting laga second phase chuli thaka homoitey hoisey. AIUDF laga murija polling agent laga naam tu Farooq Ahmed asey. Etu monduk laga ghotna tu Assam aro Mizoram laga border osor te Hailakandi district laga Gollashera primary school te thaka ekta polling station te hoisey. Farooq Ahmed tu duty te thaka homoitey achanak para girisey. Aro tai tu jag ate murijaisey. Ahmed achanak para murija laga karon tu brain stroke asey koikina suspect kuri asey.
Lok Sabha election : Assam te AIUDF polling agent poll booth bhitor te murijaisey
Add Comment