Tai jani taki shae Israel kan wapas mara tho phat hobo aro kara hobo kui nah. Tai taila bacha kan deh duri nah phat ekta shelter deh jai shae kuto UN agency para run kureh Palestinians refugees kan karne.
“Mui pola tho, mui muila bacha kan karne kureh. Taikan laka life mui buki ase,” tai kui shae.
Hoile b residents kan para Gaza deh pola bole eku jaka nai kui shae. Gaza tho 16 sal karne blockade kuri nah ase kuto Israel aro Egypt para imposed kuri shae.
UN para ekta airstrike tho taikan laka shelter ekta deh direct laki shae kui shae aro alak pastha school b damage kuri shae kui shae.
Tate life tho dictar taki shae, 1,500 nishi nah families kan pura ekta jaka deh jama kuri nah taki shae aro safe jaka ekta b nai kui shae. Tai para taila bacha kan keh window laka osor nata ki b kui shae.
Israeli military kan para civilians kan keh Rimal tho strike kuri bole ase kui nah warning di shae. Aro families kan ki ki duri bo pari shae, etu kan duri nah rasta deh pola shuru hui shae hoile b kute jabo lakeh etu naja nina.
Tuesday laka briefings deh, Israeli army spokesman Lt. Col. Richard Hecht para Palestinians kan keh Gaza laka border para cross kuri b kui nah suggest kuri shae. Hoile b Hamas officials kun Gaza laka Rafah side operate kuri ase, taikan para Tuesday din deh Gazans kan kun puila para heh register kuri nah ase taikan Egypt deh cross kuri bo pareh kui shae. Enaka hua karne backlogs aro din, hapta par ruki bo laki ase.
Gaza health officials laka isap deh Itia tak tho Gaza laka toll tho etu ase; 700 manu muri shae aro ek hazar nishi nah manu jokom kai nah ase.
Saturday din deh Prime Minister Benjamin Netanyahu para Gaza laka civilians kan keh strike hobo leh ase kui nah warning di shae aro tate para polai jabi kui shae. 28 year old Khoudary kun taikeh huni taki shae tai para etu kui shae: “Tai kile mukan kute pola bole lakeh kwa nai?”
