International

Iran bhal para huni bo lakeh: US General para Iran keh warning di shae

October 11, 2023
October 10, 2023: US National security council spokesman John Kirby para Israel laka security aid package tho rasta deh ase kui shae aro additional assistance b announce kuri bole ase kui shae. Hamas laka attack piche deh US kan diplomacy julai nah Saudi Arabia aro Israel laka majo deh ties tho normalize kuri bo mun jai taki shae kui shae John Kirby para.
US joint chief laka chairman, general Charles Q. Brown Jr., para Iran keh etu conflict deh nahi b kui nah warn kuri shae.
“Mukan ekta kara message pat abo mun jai ase. Mukan etu aro dangor kuri bo mun nai. Iran etu message bhal para jani bo lakeh,”
US para USS Gerald R. Ford carrier strike group patai ase eastern Mediterranean deh. Tate aircraft carrier ase, guided missile cruise aro guided missile destroyer b ase.
US, Germany, France, Italy aro Uk laka leaders kan call deh kota kuri shae aro taikan Israel keh support kuri ase kui nah statement di shae aro Hamas keh condemn kuri shae terrorism laka acts karne.