PEREN: Department of Social Welfare, Jalukie ICDS Project khan para block level anaemia awareness and screening camp Heningkunglwa Village Council Hall Peren District bithor te 8th September, 2021 te loishe etu te CDPO Jalukie, Namhuheing toh resource person thakishe.etu camp laga objective toh anaemia laga kotha khan janaidibole nimete ase community khan majhotte aro etu luwa toh Poshan Maah (1st – 30th September, 2021) laga ek moina lamba celebration nimete ase etu toh September moina te loi.
Etu screening camp nahoa akhe te ekta chotu programme toh loishe etu te CDPO Jalukie para action plan, target group, goals aro objectives Rashtriya Poshan Maah, 2021 laga kotha kurishe.
Etu nimete tai para Village Councils, AWWs aro stakeholders khan para modot mangishe etu bi bhal para ek moina lamba celebration programme chulabole nimete ase.
Tai para aro bi ek jun manu laga gao thik thak thakibole nimete laga importance uporte kotha kurishe aro balance thakibole nimete aro bi hygienc thakibole nimete laga toh kotha kurishe.etu uporte CDPO para manu khan aha ke koikena janaishe thik thak khaa luwa khabole ekta thik thak jeevan thik thakibole nimete janaishe.
Etia etu programme te District Programme Assistant, PMMVY Peren para aro bi Pradhan Mantri Matru Vandhana Yojana (PMMVY) uporte kotha kurishe.etu programme toh Supervisor Jalukie, Kalivi Zhimomi para loishe.
Add Comment