Hima Das World Relays Jabole Ase

Agencies 12 may 2019: Japan, Yokohama te World Relays laga 4×400 metres te jabole Assam laga golden maiki Hima Das dyar ase.

Etu event toh May 11 aro 12, 2019 te dhakibole bonaise.

Sunday te Etu laga kodha toh Dhing laga Nagaon district te dhakiya maiki pora tai laga Twitter handle te bodha video te koise.

Olap ake te khobor te dise ki tai etu event te nadhakibole pare koise kintoh tai  komor laga bimar dhakise.

Aro khobor te dishie ki ‘Dhing Express’ toh tawai kahi kena olap din karne aram kuribole lage koi dhakise.

Hima Das, Yokohama te dhakiya maiki toh relay laga alak India team khan logot te etu habta te tai laga training suru kurise koise.

Aro khobor te koise ki  tai phal hobole karne tai olap exercise kuribole lage koise aro tai laga khao fitness karne toh phal pora hi sai ase.

Hoile bhi tai World relay te jabole dyar ase koi kena announce kuriya te, Hima Das pora tai etu event te participation kuribole laga alak kodha toh sob mana kuri kena rakhi dsie.

Videao te, Hima Das pora koise: “sadi khan moi, Moi world relay karne dyar ase. Etu proa prabhu ke pradhna kuribi aro sob ke khushi pai ase. Bishi khushi paise.”

Tai pora tai laga sobse bosant tag line ‘Mon Jai’ kobole bahaoriya nai.

Etu maiki ke state te pora 2019 International Association of Athletics Federation (IAAF) World Relays karne India’s Women 4×400 metre relay team te chunise.

Etu Indian world relay women’s team te V K Vismaya, M R Poovamma, Prachi, Sonia Baishya aro Saritaben Gayakwad khan bhi ase.

Hima Das toh Qatar laga Doha te dhakiya Khalifa International Stadium  te khiliya 23^rd Asian Athletics Championships laga 400m women’s semi-finals te bola bole napari kena adha rasta te pora olai jaise.

Hima komor laga bimar hoi kena bola bole napari kena rukhi jaise.