October 14,2020: Assam health minister Himanta Biswa Sarma para Tuesday te koikena janaishe ki state te coronavirus laga curve toh komti hoijai ase. Aro koishe ki vaccines laga akhe wala lot toh January nohoile July moina aha sal te olabole nishena ase.
Sarma koikena janaishe ki”Positivity rate toh September moina t e 8 percent para uthise kuntu toh etia 3.5 percent para namishe.etu para dikhaishe ki coronavirus curve toh asti para namijai ase.”
Minister para aro bi koikena janaishe ki”etu toh akhe bar ase ami khan para etu pandemic curve namaa toh dikha toh.judi ami khan etu infection rat toh nichete rakhise koile toh durga puja samay te etu para modot pabo control kuribole nimete etu virus toh aro bi uthijabole nadibole nimete.”
Tai aro bi khobor dishe ki komti hoilebi 1,00,000 tests khan Monday te loishe aro positivity rate toh 1.4 per cent para namishe.
Etu uporte minister para manu khan ke COVID-19 protocols Durga Puja celebrations te sabole janaishe aro koikena janaishe ki judi protocols khan follow kurishe koile toh etu flat curve toh maintain kuribo.
Minister para aro bi koikena janaishe ki etu doubling rate toh 46 din te namishe aro etia tak komti hoilebi 40 lakh samples nishena state te COVID-19 nimete test kurishe.
Tai aro bi khobor te janaishe ki COVID-19 recovery rate komti hoilebi 85 per cent para uthise.
Add Comment