Hockey World Cup: Argentina jetise Spain aro France draw hoishe

Monday Bhubaneswar  te huwa Hockey World Cup 2018 te  Argentina khan pora New Zealand ke   haraidikena tai khan second wala khel jetishe .Etu jitikena tai khan Pool A laga top te ase duita match te 6 points loikena .Aro tai khan laga last wala group stage match toh  Thursday din  France logote khelibole ase  .Argentina etia   quater finals te ghussibole  ase.New Zealand kun khan Spain logote khelibolease tai khan laga last match te second spot te ase  three points loikena  .Olop akhe te  Spain aro France khan 1-1 pora draw kurishe  .Etu draw huwa pora tai khan  Pool A laga points table te third aro fourth te ase .Spain aro France etia tak bi jitikena nai World cup te  tai khan laga  opening match  Argentina aro New Zealand logote harikena .:Amikhan khushi ase etu draw p;ora ami khan aro bi bhal hobole mun ase tournament te,” Spain’s Marc Salles khel khotom hoikena koikena janaishe .Sunday din te India men’s hockey team  khan second half te bishibal pora khelikena Belgium logote 2-2 pora draw kurishe Pool C encounter te.Etu draw hoikena bi India khan top te ase points table te aro tai khan quarter-finals te direct qualify hobo nishena ase .Belgium khan bishi bhal pora khelishe hoilebi India khan wapas ahikena point loishe.Tai khan campaign shuru kura toh South Africa khan ke 5-0 pora haraidishe.Tai khan etia four points te ase duita match pora aro Belgium bi eki point te ase second te goal difference te .