Hornbill Off Road Challenge luise

Hornbill Off-Road Challenge 2018 toh Zaru nuti, Mima Bosti lag ate thakise. Etubi 4^th December 2018 te. Etu 1 din Off-Road Challenge te sob melai kena 10 hisha kura kan thakise. Etu kan majutte Team number 1 kobi Aviu Rutsa/Neiketoulie Meyase 2 jun Kari number 57 te thaka aro Ruokuobetuo/Pete 2 jun Kari number 53 te thaka Champions te ahese. Team number 5 kobi Tanger Lushang/Maken Lepden 2 jun Kari number 66 te thaka aro Bento Swu/Bovito Kiho 2 jun Kari number 59 te thaka 2^nd te ahese. Aro Team number 3 kobi Ikwetheing/Kenrak Thou 2 jun Kari number 60 te thaka aro Irietui/Elu 2 jun Kari number 71 te thaka 3^rd te ahese koise. Etu kan majutte Abemo Yanthan, Kari number 54 jula toh Best Spotter (Bhal kheladi) baise aro Aviu Rutsa, Kari number 57 jula toh Best Off Road Rig Title baise koise. Etu khel laga din toh Nagaland Adventure aro Motor Sports Association pora ulabole kurikena mana laga ase. Etubi Government of Nagaland logot melekena. Aro etu mana toh sob Annual Hornbill Festival 2018 laga naam porahi manabole kurikena mana laga ase. Aro etu khel mana time te sob nemite JK Tyre pora motub kurikena thakise koise.