Directorate of Horticulture khan para 7th May 2019 te tai khan laga Conference hall te ek din nimete Public Financial Management System laga state level training loishe .
DDO & Deputy Director, Meyasashi para tai laga keynote address te koishe ki etu PFMS scheme para ami khan ke real time banking transaction thakibo. Etu fund khan kiman chulaishe aro button click kurikena balance keeman ase sabole. Tai aro koishe ki India laga sorkar khan centrally sponsored schemes PFMS chulabole shuru kuribo.
Etu training para ami khan laga department ke system te anidibo aro ami khan etu practice kuribole lagibo nohoile toh funds khan aha toh biya hoijabo.Tai aro koishe funds khan toh official bank account khan te narakhibole lageh aro etu joldi hi chulabole lageh .Etu system para ami khan laga department khan thik thak thakibole ase .
Joint Director, QhutoviWotsa koishe GST aro DBT laga kotha toh kitiabi honanai tai etu service time aro etu system khan thakibo.Etu nimete tai para sob trainees khan ke PFMS janibi koishe. Kile koile toh etu department khan nimete khaas ase koikena.
Etu meeting toh Deputy Director, BongtiKonyak para loishe .Etu programme lage resource persons toh Assistant Accounts Officer, VishitoKulnu; Operation Assistant, Vivek Kumar Ambasta aro Operation Assistant, Akangnungba Jamir ase .Aro Deputy Director, S. Senka Jamir para vote of thanks dishe .
Add Comment