Hriday Hazarika aro Indian Women’s 10m Air Rifle Team gold jetise

Agencies, 7 September: Friday din International Shooting Sport Federation (ISSF) World Championships laga men’s 10m air rifle de India’s Hriday Hazarika pora gold medal jetise. India laga khelari Hazarike ekala ase men’s final nemide 627.3 pora jeta. Tai Iran’s Mohammed Amir Nekounam logode final de 250.1 pora draw howah thakise. Hoilebe 17-sal India khelari pora gold toh lobule parise. Silver medal toh Mohammed Amir pora loise aro Bronze medal toh Russia laga khelari Grigorii Shamakov pora loise. Indian maike khan pora be gold medal jetise. Tai khan meli-kena notun world record bona thakise. Women’s 10m air rifle team de Elavenil Valarivan (631), Shreya Agarwal (628.5) aro Manini Kaushik (621.2) meli-kena total 1880.7 score kora thakise. Junior world cup gold-medallist Elavenil pora score kora be notun junior world record howah thakise. Men’s team, de Hazarika, Divyansh Panwar aro Arjun Babuta toh meli-kena total score 1872.3 pora fourth de kothom howah thakise. Senior men’s 50m rifle de toh phal thaga nai. Tai khan kun be finals de pongjibole na-para thakise. Asian Games silver-medallist Sanjeev Rajput toh sobse komti wala thakise. Tai 58^th position de 1158 score pora thakise. Swapnil Kusale toh 1161 score pora 55^th thakise aro Akhil Sheoran toh 1167 score pora 44^th position de thakise.