Naomi Osaka jetise Madison Keys logode

Agencies, 7 September: Thursday din U.S. Open de, Naomi Osaka pora Madison Keys logode 6-2 6-4 pora jeti kena tai laga first Grand Slam final de kushise. Tai final toh Serena Williams logode khelibole ase. 20-sal Osaka toh first Japanese maike ase Grand Slam de single final koshibole para.  American toh 13 break point de chance beya howah thakise. Hoilebe Osaka toh sob sob bachabole para thakise. Tai (Osaka) jar-par chance powah de tin-par convert koribole para thakise. Etu sal Indian Wells de Osaka toh first career title jeta thakise. Hoilebe tai Keys logode ketyabe haraidebole na-para thakise aro 2016 sal Flushing Meadows de tai American logode hara thakise.