Agencies, 7 September: Saturday din Czech Republic jaga de IAAF Continental Cup thakibole laga de Hima Das nathakibo. Junior world 400m champion howah bechide Athletics Federation of India pora Hima Das logode etu season aram koribole koise. Hima Das toh first time seven Indian athletes majode IAAF event de olabo thaga ase. Hoilebe Asia-Pacific laga second runner Australia’s Anneliese Rubbie logode replace korise. Etu even toh September 8 aro 9 de thakibo. Continental Cup de jar teams Europe, Africa, America aro Asia-Pacific toh 18 events de thakibole ase aro mixed 4x400m debe. Friday din top coach pora PTI logode lowah toh, Hima toh IAAF Continental Cup de na-polabo. AFI pora tai logode aram koribole dese. Tai etu sal Commonwealth Games pora World Juniors aro Asian Games tak besi polaise (run) aro tai ke besi par polabole deya toh phal nai koise. Continental Cup de Indian khelari khan hesha lobule khan toh Neeraj Chopra (men’s javelin), Arpinder Singh (men’s triple jump), Mohd. Anas (men’s 400m), Jinson Johnson (men’s 800m), Sudha Singh (women’s 3000m steeplechase) aro P U Chitra (women’s 1500m) ase.
