April 23, 2024 : Nagaland State Disaster Management Authority para state olop din ageytey, hawa pani dangor aha para ekjon manu kuria laga janai shey, aru bishi district khan tey ghor khan aru public infrastructure khan biya kuria laga janai shey. NSDMA laga authority para koishey Patso Noking bosti para ekjon manu murishey koishey, utu jaga tey bishi flood hoa nimitey muri jaishey koi asey. Itu saath saath Noklak para Nokhu, Noklak para Patso aru Noklak para Tuensang jawa raasta bhi affect hoa laga janai shey.
Tuensang tey bhi St. John, A -Ward Tuensang town tey landslide hoi kena 25 ghor khan ke impact kurishey koi asey. Aru itu ekla nahoi kena Mokokchung para Tuensang laga raasta tey bhi bishi biya para affect hoi kena asey koishey, Longkhim para Tuensang jawa raasta tey 15 times landslide hoishey koishey, aru utu majetey saatta toh bishi severe thakishey koishey. Bishi jaga khan tey vegetation khan damage hoi jaishey, heavy pani gira para. NSDAM para koishey ki, Niuland district tey bhi bishi manu khan laga ghor khan biya hoa laga khobor paishey.
Add Comment