SHILLONG: Hynñiewtrep Youth Council (HYC) para junaishe ke, Ministers, MLAs aro bureaucrats khan laga salary toh etu saal financial year te 30 per cent katikena State Government para special fund hesab te bemari logot larai koriboli koishe. Deputy Chief Minister Prestone Tynsong logot letter leka te organization laga secretary Roy Synrem para koishe ke, MLA Scheme 2021-2022 saal nemite 50 per cent katikena etu poisa toh Community Quarantine Centres, buying ventilators aro Covid Vaccines, stock of Oxygen Cylinders, activating aro equipping PHCs, CHCs aro District Hospitals te bemari logot larai koriboli nemite jalaboli lage koishe. Tai koishe ke, Dorbar Shnong (village councils) khan toh besi wala colony manuh logot depend kori ase, keli koile Government nahoile District Councils hath para eku motob nakora nemite itya samai Quarantine Centres bonaboli naparikena ase. Synrem para janaishe ke, Government para rasta ekta bonaikena Dorbar Shnong khan dukh thaka toh joldi para bosti te aro jaga-jaga te Centres bonaboli kam soruh hobo lage koishe. Organization para state government logot koishe ke, joldi para state MLAs logot meeting korikena fesla loboli janaishe. Organisation laga bapana te olop din majot te bemari cases besi othi-thaka nemite Shillong city Hospitals toh manuh purta hoi jabo etu nemite kam toh joldi te saboli koishe.
Add Comment