Mizoram: 240 notun cases aro 1 jun morai khobor

May 12, 2021. Mizoram te COVID-19 halat toh hotai din beya hoikena jai ase. Mizoram te bemari para aro 1 jun mora khobor paishe, state te sob melaikena COVId-19 bemar para 23 morikena ase. Etu oper Wednesday din Mizoram te notun COVID-19 cases toh 240 thurishe. Mizoram laga COVID-19 positive tally toh 8035 te ase aro Mizoram te 2010 active cases hoikena ase. 240 notun COVID-19 cases pithor te 131 cases toh Zoram Medical College, Aizawl te RT-PCR test para thurishe koishe. Dosura khobor ekta te Rapid Antigen Test para 100 cases thurishe aro TrueNat tests para 9 cases thurishe koishe. Aizawl te COVID-19 cases toh sobse besi ase etu oper te 1428 active COVID-19 cases ase. Etu samai, itya dak Mizoram te 6002 manuh COVID-19 bemar bhal hoikena ase koishe.