June 13, 2026: 25 sal, Masood Chandi, kun ekta fitness content bana aro influencer ase, tai ke morai de she tai laga ghor Hyderabad te, Friday laga sam phane.
Police khan para koi she ki, tai laga hosal nam toh SK Mahboob ase, aro tai toh electrician laga kam kure thake she. Ghor manu khan laga betor te jakara ola homoi, tai ke mare kena morai de she koi she.
Mahboob toh ekta YouTube Channel cholai thake she, fitness laga videos khan banai kena, tai laga channel te 2.75 lakh subscribers thake she.
Friday laga 3:30 pm te, tai laga did laga mota aro dua jun para ahe kena thakea toh, tai khan laga betor te jakara olai she, aro etu te tai ke mare kena morai de she. Hamla kurea tin jun toh polai kena ase koi she, police khan tai khan ke besarea ase koi she.
Hyderabad YouTuber ‘Masood Chandi’ ke morai de she ghor manu khan laga betor te jakara ola homoi
