Coimbatore: Sunday te Defending champions Chennai City FC khan pora Manipur laga TRAU FC khan ke ekta goal pora harai di kena tai khan laga title defence suru kurise.
Jawaharlal Nehru Stadium te Adolfo Miranda pora chitiya laga scored kurise.
Imphal-based khan pora pohila free-kick laga moka pai kena marise hoiloe bhi, Chennai’s Roberto Eslava pora bachai dise. Home side khan ektam mon di kena astey astey bahi kena nutoh sign kuriya Katsumi Yusa pora phal ektam skilful pora khilise.
Chennai khan pora etu biche te tai khan laga class dekhai kena suru kurise kintoh top scorer Pedro Manzi pora olap pora tai khan laga team ke lead kuri diya nai hintoh tai laga header post bar kuri kena jaise.
30 minutes te, defending champions laga captain Manzi pora Charles laga cross ball ke head sidha mari kena goal post ke lagise, hoile bhi goal khushiya nai.
First half te, Chennai khan aro bhi olap pora score kuriya nai. Etu bar Katsumi pora ektam oshor te dhaki kena post laga oshor te mari kena khushiya nai.
Second half te enika hi Chennai City khan pora play phal wala hoi kena suru kurise. 49th minute te, TRAU defence laga galty pora Chennai’s Miranda karne jaga ektam phal olai kena ektam aram pora goal score kurise.
Match khotam hobole 15 minutes te, TRAU logot duita moka paise Deepak Devrani aro Abinash Ruidas khushiya somoy te. Hoile bhi Chennai khan pora match khotam how tak lead dhaki kena chitise.
Add Comment